Marino Giusy – Poesie


POESIE
Lu jocu  –   Lu lannaru  –   Soggiri e nori  –   Lu vinu Ciddaru 


Giusy Marino – È nata nel 1981 a Sambuca, dopo aver conseguito la maturità classica frequenta la Facoltà d’Ingegneria Chimica presso l’Università degli Studi di Palermo.

La sua vocazione poetica si é evidenziata assai presto: ha pubblicato la sua prima raccolta di poesie “Lu me passatempu”, nel 1994 quando ancora frequentava la seconda classe della Scuola Media.


.
.
.
.
.
.

LU JOCU

Jocu chi li picciliddi vidi crisciri
nun sulu fisicamenti
ma puru ngignusamenti
ni lu cori di lu picciriddu tu rimani.
Sempri veni pinsatu
è in ogni mumentu sugnatu.
Cu tia si passanu uri d’alligria
è di filici armunia.
Cu tia nun si canuscinu
noia e tristezza
è certi voti a li granni
fa passari la stizza.

TORNA SU

.
.
.
.
.
.
.
.
.
.

LU LANNARU

Che bedda sta natura!
Cu lu so virdi rallegra lu cori

e li so arvuli e li so sciuri
spanninu ‘ntornu tantu uduri.
Grida forti e chiaru ni stu munnu riu:
quant’è bedda sta natura!
C’è peró n’arvulu chi cu la so biddizza
nun t’arreca alligrizza.
Vi lu presentu: lu lannaru.
St’arvulu cu li so sciuri
spanni tanti splinduri,
ma a la larga a stari
si di iddu nun ti vo fari avvilinari.
Ni lu me paisi ci nni su propriu tanti
specialmenti nni li strati
chi li renninu culurati.
E pi dilla ‘ncunfidenza
lu lannaru pari comu chiddi chi semu
beddi di fora e tinti di dintra.

TORNA SU

.
.
.
.
.
.
.
.
.
.

SOGGIRI E NORI

Soggiri e nori
su sempri grattaroli
si sciarrianu, si capiddianu
e si dicinu paroli.
Quali distinu riu li porta
a fari sta cosa torta?
Ci trovanu piaciri
o vonnu sulu putiri?
E tu chi si figghiu e maritu
a sti fimmini
chi paci nun ti dannu
ricurdaccillu chi l’amuri
è nna cosa granni.

TORNA SU

.
.
.
.
.
.
.
.
.
.
.

LU VINU CIDDARU

Lu vinu Ciddaru
è tipicu di la cantina sammucara
pi lu so gustu e pi la so buntà
veni purtatu di ccà e di ddà
‘Nta settembri, tempu di vinnigni,
si vidinu tanti genti nni li vigni,
vecchi, picciotti e picciliddi.
Prima, quannu li vigni eranu picca
e lu campgnolu unn’era riccu,
‘nna gran festaera vinnignari
ora nveci si cci vò sulu pi guadagnari.

TORNA SU

.
.
.
.
.
.
.
.
.
.
.
.

Immagini collegate: